Сацыялістычная – Салдацкая Слабодка

Насупраць Горацкага раённага цэнтра гігіены і эпідэміялогіі (раней гэтую арганізацыю называлі санстанцыя), побач са скверам, дзе стаіць помнік прадатрадаўцам і генералу Кідалінскаму, знаходзіцца вуліца Сацыялістычная.

Раней гэты раён, як бачна з дарэвалюцыйнай карты Горак, называўся "Салдацкая слабада". Да 1917 года ў цяперашнім будынку санстанцыі знаходзілася Горацкая павятовая турма, і салдаты, якія пільнавалі зняволеных, сяліліся побач. Так і ўтварылася Салдацкая слабада. Пасля кастрычніка 1917 года ў будынку размяшчалася раённая бальніца. Пазней яна пераехала ў тое месца, дзе знаходзіцца зараз. А тапонім "Салдацкая слабада" застаўся толькі ў гісторыі.