Старыя вуліцы горада Горкі

Гэта невялікая вуліца вядомая ў Горках ужо болей за сто гадоў. Яе гісторычная назва, Краснінская, захавалася да нашага часу.

377

Краснінская – гістарычная назва захавалася да нашых дзён

Зялёнай вуліцу называлі, як мяркуюць краязнаўцы, бо яна была шчыльна засаджана дрэвамі.

У 1908 годзе тут на кватэры жыў класік беларускай літаратуры Максім Гарэцкі.

491

Максіма Гарэцкага – Зялёная

Азёрная – адна з тых рэдкіх горацкіх вуліц, якая захавала сваю першапачатковую назву. Гістарычнае найменне гэтай вуліцы дажыло да нашых дзён.

410

Азёрная – гістарычная назва захавалася да нашых дзён

Насупраць Горацкага раённага цэнтра гігіены і эпідэміялогіі (раней гэтую арганізацыю называлі санстанцыя), побач са скверам, дзе стаіць помнік прадатрадаўцам і генералу Кідалінскаму, знаходзіцца вуліца Сацыялістычная.

252

Сацыялістычная – Салдацкая Слабодка

Гэта вуліца ўвайшла ў гісторыю Горак пад назваю Прафесарская. І гэта зразумела для горада выкладчыкаў і студэнтаў, дзе вышэйшая навучальная ўстанова з'яўляецца сэрцам места.

253

Максіма Горкага – Прафесарская

Насіла назву Раманаўская, бо ішла ў мястэчка Раманава, цяперашняе Леніна.

Да 1919 году на гэтай вуліцы знаходзіўся дом вучонага-агранома Міхаіла Рытава, потым у гэтым будынку была Горацкая школа другой ступені.

396

Леніна – Раманаўская

Гарыстай гэтую вуліцу, хутчэй за ўсё, мясцовыя жыхары называлі праз яе рэльеф.

Аднак пасля 1945 году атрымала назву ў гонар Героя Савецкага Саюза Алега Кашавога – аднаго з арганізатараў падпольнай антыфашысцкай камсамольскай арганізацыі "Маладая гвардыя".

238

Алега Кашавога – Гарыстая

Вуліца так называлася, бо там жыло некалькі сем'яў сталяроў.

Тут да 1917 году знаходзілася аптэка і майстэрня Казіміра Падзерскага (у гэтым будынку цяпер раённы музей).

179

Крупскай – Сталярная

Гістарычная назва гэтай вуліцы – Смаленская, бо вяла праз Раманава (цяпер Леніна) на Смаленск.

Аднак пасля 1917 года яе перайменавалі ў Бруцара-Ерафееўскую ў гонар Пятра Бруцара і Фамы Ерафеева.

321

Бруцэра-Ерафееўская – Смаленская

Гэта вуліца, відаць, атрымала сваю назву з 1848 года, калі вышэйшы разрад Горы-Горацкай земляробчай школы быў ператвораны ў інстытут.

317

Сурганава – Інстытуцкая

Гэта вуліца называлася Малая Аршанская, бо ішла на Оршу паралельна Вялікай Аршанскай.

Пачыналася ад Сінагагальнай плошчы, дзе знаходзіліся дзве сінагогі (габрэйскія малітоўныя дамы).

335

Куйбышава – Малая Аршанская

Галоўнай вуліцай Горак была Вялікая Аршанская. Такую назву яна атрымала, бо вяла на Оршу.

Пачыналася ля рэчкі Капылкі, а ў канцы горада пераходзіла ў дарогу аршанскага кірунку.

484

Якубоўскага – Вялікая Аршанская

Мсціслаўскай называюць гэту вуліцу жыхары Горак да цяперашняга часу.

Вядзе яна на Мсціслаў. Да 1917 года яна складалася з дзвюх частак.

229

Савецкая – Дваранская

Мсціслаўскай, або Мсціслаўкай, называюць гэту вуліцу жыхары Горак да цяперашняга часу, але яе цяперашняя афіцыйная назва – Савецкая.

328

Савецкая – Мсціслаўская, або Мсціслаўка