Куйбышава – Малая Аршанская

Гэта вуліца называлася Малая Аршанская, бо ішла на Оршу паралельна Вялікай Аршанскай.

Пачыналася ад Сінагагальнай плошчы, дзе знаходзіліся дзве сінагогі (габрэйскія малітоўныя дамы). У 1913 годзе, згодна са статыстыкай, у Горках жыло 7574 жыхара (4410 праваслаўных, 3125 яўрэяў, 32 католікі, 7 пратэстантаў). Сінагогі знаходзіліся на тым месцы, дзе цяпер пабудовы былога сокаэкстрактнага заводу і будынак "Беларусбанка".

У 1935 годзе Малая Аршанская стала вуліцай імя В.У.Куйбышава – расійскага рэвалюцыянера і савецкага партыйнага і палітычнага дзеяча.