Каталікі атрымаюць сабор у Магілёве бясплатна на пяць гадоў

Касцёл Унебаўзяцця Найсвяцейшай Панны Марыі і святога Станіслава ў Магілёве будзе перададзены парафіяльнай супольнасці ў бязвыплатнае карыстанне тэрмінам на пяць гадоў – паведамляе catholic.by. Зараз у гэтай старадаўняй святыні, якая мае выключную гістарычную каштоўнасць, намаганнямі парафіяльнай супольнасці вядуцца сур'ёзныя рамонтныя працы па захаванні і аднаўленні касцёла.

Гэты будынак мае статус сукафедральнага сабора Мінска-Магілёўскай архідыяцэзіі, з'яўляецца помнікам архітэктуры ў стылі барока, пабудаваны ў 1738-1752 гадах.

У інтэр'еры вылучаюцца фрэскі на біблейскія тэмы на скляпеннях храма.

З 1993 года сабор служыць адным з цэнтрам штогадовага фестывалю духоўнай музыкі "Магутны Божа", які праводзіцца ў Магілёве. 15 жніўня 2018 года, у дзень Унебаўзяцця Найсвяцейшай Дзевы Марыі, у касцёле быў урачыста прэзентаваны і асвячоны новы арган, створаны ў гатычным стылі ў 1928 годзе вядомым нідэрландскім майстрам Леанам Вершурэнам.

Глядзіце па тэме:

• Не Гродно и не Брест, но тоже здорово. Рассказываем, на что можно посмотреть в Могилеве и окрестностях