Народны каляндар і прыкметы на 12 ліпеня

12 ліпеня па народным календары імяніны ў Рыгора, Паўла і Пятра. У гэты дзень нашы продкі адзначалі на беразе возера ці ракі свята Пятра і Паўла. Вадзілі карагоды, спявалі песні-пятроўкі. Дзяўчаты ў гэты дзень хадзілі ў лес варажыць на вянках, гушкаліся з хлопцамі на арэлях, таму ў пятроўскіх песнях шмат шлюбных матываў. "Прыйшоў Пятрок – апаў лісток, прыйдзе Ілля – наробіць гнілля".

Былі такія прыкметы: калі ў гэты дзень ідзе дождж, то ўвесь сенакос будзе мокрым; калі ж за дажджом хутка стане сонечна, то будзе вельмі добры ўраджай.