Народны каляндар. 30 лістапада качаліся па снезе

30 лістапада па народным календары імяніны ў Рыгора і Сяргея. Нашы продкі ў гэты дзень сустракалі халодны паўночны вецер – сівер. Лічылася, што ад яго залежаць і зімовыя дарогі, і завеі, і ўся зімовая здабыча.

У ранейшыя часы звычайна ў ноч на 30 лістапада выпадаў снег. Нашы продкі стараліся абавязкова па ім пакачацца. Гэта сімвалізавала спробу адкаціцца ад апошняга восеньскага месяца да зімовага надвор'я, да моцнага жыцця.