Больш за 200 рэцэптаў традыцыйных страў прызналі здабыткам нацыі. Упэўненыя, вы таксама гэта любіце!

У Беларусі снежань праходзіць пад знакам гастранамічнага турызму, расказалі журналісты СТВ у праграме Навіны "24 гадзіны". Наша краіна прываблівае турыстаў гастранамічнымі турамі. На выбар – унікальныя рэцэпты дранікаў, сытная нацыянальная кухня і 89 маршрутаў, з якіх 32 цалкам гастранамічныя. Можна пакаштаваць хлеб графа Патоцкага, віцебскія клёцкі і караваі!

На зімовыя святы ў нашу краіну прыязджае шмат гасцей з розных краін. Яны хочуць рассмакаваць стравы нашай нацыянальнай кухні і "раскусіць" сакрэт кулінарных дасягненняў.

У Беларусі ёсць чым здзівіць нават самых патрабавальных дэгустатараў. Многія стравы ўнікальныя, прызнаныя здабыткам нацыі. Распрацаваны гастранамічныя маршруты, дзе беларусы і іншаземцы могуць пакаштаваць ежу паводле мясцовых рэцэптах.

У Беларусі 235 рэцэптаў дранікаў афіцыйна прызнаны набыткам нацыі. У спісе нематэрыяльнай культурнай спадчыны ёсць таксама хлеб, караваі, мясныя стравы – віцебскія клёцкі з душамі, крэўныя каўбасы з гусака, мацюкоўскі масляны баран.

Некаторыя беларускія рэстарацыі спецыялізуюцца менавіта на беларускай нацыянальнай кухні. А іх у нашай краіне нямала – толькі сёлета адкрылася больш за 900 аб'ектаў харчавання.

Паводле слоў Ніны Емяльянавай, намесніка міністра антыманапольнага рэгулявання і гандлю, у краіне распрацавана 89 тураў з гастранамічным складнікам. У тым ліку 32 туры пераважна гастранамічныя.

Сёлета з'явілася 5 новых гастранамічных тураў: "На свежыну да Міхася" ў Зэльвенскім раёне Гродзенскай вобласці, турыстычныя праграмы "Вандроўка ваўка" і "Хлеб графа Патоцкага" ў аграсядзібе "Альхова" Ваўкавыскага раёна, а таксама праграма "Калядны сезон" ў "Альхова" і веласіпедны маршрут на аграсядзібу "Гаенскія вытокi".