3 снежня па народным календары імяніны ў Аляксандра, Аляксея, Анатоля, Арсеня, Васіля, Восіпа, Ганны, Емельяна, Івана, Іларыёна, Ісака, Макара, Мікалая, Прокла, Рыгора, Таццяны, Тэклі, Уладзіміра. У гэты дзень не чакалі карысці ад дарогі, таму ў народзе раілі "сядзець у хаце і рамантаваць збрую". Таксама на Прокла існаваў звычай праклінаць усякую поскудзь, таму знахары, бабкі-шаптухі былі нарасхват.
Была такая прыкмета: калі 3 снежня ішоў снег, то 3 чэрвеня пойдзе дождж.