Народны каляндар і прыкметы на 30 лістапада

30 лістапада па народным календары імяніны ў Генадзя, Захара, Івана, Міхала, Рыгора. Нашы продкі ў гэты дзень сустракалі халодны паўночны вецер – сівер. Лічылася, што ад яго залежаць і зімовыя дарогі, і завеі, і ўся зімовая здабыча. Звычайна ўначы выпадаў снег, на якім стараліся абавязкова пакачацца – адкаціцца ад апошняга восеньскага месяца да зімовага надвор'я, да моцнага жыцця.

Былі такія прыкметы: якое надвор'е сёння, такой і ўся зіма будзе; калі на рэках і азёрах лёд цёмны, то будзе добры ўраджай.