Народны каляндар і прыкметы на 18 лістапада

18 лістапада па народным календары імяніны ў Гаўрылы, Галакціёна, Ёна, Памфілы, Цімафея, Ціхана, Юрыя. У гэты дзень маладыя дзяўчаты маліліся пра жаніхоў, а таксама варажылі на суджанага. Хлопцы, у сваю чаргу, запрашалі дзяўчат на гулянні, якія часам доўжыліся да самай раніцы. А яшчэ 18 лістапада спяшаліся нарыхтаваць на зіму чорную рэдзьку, бо яе выкарыстоўвалі пры лячэнні прастудных захворванняў.

Была такая прыкмета: калі снег сёння кладзецца на зямлю роўна, то налета будзе малы ўраджай; калі ж снег камякамі, то ўраджай будзе добры.