Народны каляндар і прыкметы на 1 жніўня

1 жніўня па народным календары імяніны ў Рыгора, Змітра, Яўгена, Мітрафана, Рамана, Сцяпана, Ціхана. Прысвятак, з якім асацыюецца макрэча, дажджлівае надвор'е, пра што сведчаць і прыказкі: "Глядзі восень па Макрыне","Калі ў дзень Макрыны дождж, то ўсё лета і восень будуць мокрыя, а калі суха, то восень сухая".

У старыя часы ў гэты дзень былі такія прыкметы: калі на дубе шмат жалудоў, то восень будзе ранняй; калі з асіны ляціць пух, то час ісці па грыбы; калі мурашы схаваліся ў мурашнік, то пахаладае.