Ці гэтак трэба было бараніць дом Максіма Гарэцкага ў Горках?

Юнакі Гомеля зняліся ў эратычнай фотасесіі, каб абараніць старадаўнюю драўляную забудову роднага горада.

"Усведамляючы сябе часткай грамадскай супольнасці Гомеля, далучаюся да змагання за ўнікальную драўляную забудову, што знаходзіцца ў самым яго цэнтры, - напісала на сваёй старонцы ў сацыяльнай сетцы фатографка Марына Драбышэўская, якая і зрабіла смелую фотаакцыю. - Захавайма драўляную забудову разам!"

Частка 1. Дом па вуліцы Валатаўская. Па адной з гарадскіх легендаў менавіта ў гэтым доме дажывала свае апошнія дні Ірына Іванаўна Паскевіч. Дом знаходзіцца пад пагрозай разбурэння.

Мадэлі: Святаслаў Фяшчук, Андрэй Федаровіч.

Летась у Горках пад "Дажынкі" знеслі ўнікальны для нашага горада помнік драўлянай архітэктуры пачатку 20 стагоддзя - дом, у якім размяшчалася кватэра класіка беларускай літаратуры Максіма Гарэцкага. Грамадства збірала подпісы, накіроўвала лісты ў раённы і абласны выканаўчы камітэты, Міністэрства культуры, але гэта не ўратавала будынак.