Напачатку лютага ў Горацкім гісторыка-этнаграфічным музеі адбылася літаратурная вечарына, прысвечаная 70-годдзю з дня нараджэння вучонага, краязнаўцы, пісьменніка, сябра СБП Уладзіміра Майсеевіча Ліўшыца.
Тыя, хто даўно ведаюць У. Ліўшыца, сказалі шмат цёплых і шчырых слоў, падзяліліся сваімі ўспамінамі і ўражаннямі.
Гэта былыя і цяперашнія супрацоўнікі музея, арганізатарам і першым дырэктарам якога быў спадар Уладзімір, а таксама калегі па працы ў Беларускай дзяржаўнай сельскагаспадарчай акадэміі, шматлікія сябры.
Ад імя горацкіх літаратараў пранікнёныя словы аб асобе і творчасці Уладзіміра Ліўшыцасказала пісьменніца, сябра СБП Лідзія Андрэева.