Народны каляндар і прыкметы на 25 кастрычніка

25 кастрычніка па народным календары імяніны ў Аляксандра, Багдана, Дзяніса, Дамінікі, Івана, Кузьмы, Макара, Максіміліяна, Марціна, Мікалая, Тараса, Хвядота. У даўнешыя часы лічыўся Днём Марціна. Быў звычай рэзаць гусей ды адзначаць свята рознымі стравамі, асабліва печанай (ці смажанай) гуссю – "птушкай Марціна". З гэтай нагоды была прыказка: "Марцін святы – губіцель гагаты". 

Былі такія прыкметы: яркія зоры на начным небе – пацяплее, цьмяныя – будзе халадаць; шмат яркіх зор на начным небе – будзе добры ўраджай гароху налета.