Народны каляндар. 21 студзеня да абеду не працавалі

21 студзеня па народным календары імяніны ў Васіля, Васілісы, Віктара, Уладзіміра, Рыгора, Змітра, Дамінікі, Яўгена, Емельяна, Міхаіла, Юльяна. Да абеду не працавалі, а пасля ўжо браліся за адкладзеныя справы. У некаторых мясцінах у гэты дзень у госці прыходзілі кумы з падарункамі.

Нашы продкі прыкмецілі: калі ў гэты дзень хатняя жывёла, якую выпусцілі на двор, будзе імкнуцца вярнуцца ў хлеў – быць снегу і холаду. Ясны дзень абяцае добры ўраджай. Птушкі крычаць – ідзе адліга. Шмат зорак на небе – хутка маразы.