Народны каляндар. 4 студзеня гатавалі кашу для цяжарных

4 студзеня ў нашых продкаў была Настасся. Праз суровыя маразы мінулых гадоў казалі пра гэты дзень так: "Настасся ўзоры шые". Лічылася, што яна ахоўвае цяжарных ад усялякае бяды. Быў звычай гатаваць для цяжарных кашу.

У гэты дзень нашы продкі думалі пра род і племя, славілі прамаці ўсяго, што на зямлі было, жыве і будзе жыць, бо яна няньчыць і корміць, душу малую святлом напаўняе.