Уваход
У Оршы 25 ліпеня ў гарадскім дзіцячым парку "Казачная краіна" каля помніка Уладзіміру Караткевічу пройдуць літаратурныя чытанні "І не знікаць паэтам вечна…"
Прыхільнікі творчасці Уладзіміра Караткевіча, супрацоўнікі аршанскіх музеяў і бібліятэк сустрэнуцца ля ягонага помніка ў парку, каб пачытаць вершы і ўспомніць добрым словам бадай што самага рамантычнага беларускага літаратара.
Пачатак мерапрыемства – 11:00.
Дарэчы, а што вы ведаеце пра Уладзіміра Караткевіча? Праверце з дапамогай гэтага тэста.
Уладзімір Сямёёнавіч Караткевіч нарадзіўся 26 лістапада 1930 года ў Оршы, памёр 25 ліпеня 1984 года ў Мінску. Беларускі паэт, празаік, драматург, публіцыст, перакладчык, сцэнарыст, класік беларускай літаратуры. Адна з найбольш вядомых постацей у беларускай літаратуры другой паловы XX стагоддзя. Першы беларускі пісьменнік, які звярнуўся да жанру гістарычнага дэтэктыву.
Творчасць Уладзіміра Караткевіча вызначаецца рамантычнай скіраванасцю, высокай мастацкай культурай, патрыятычным пафасам і гуманістычным гучаннем. Пісьменнік істотна ўзбагаціў беларускую літаратуру ў тэматычных і жанравых адносінах, напоўніў яе інтэлектуальным і філасофскім зместам. Найбольш вядомыя такія творы аўтара: аповесці "Дзікае паляванне караля Стаха", "Сівая легенда", раманы "Каласы пад сярпом тваім", "Хрыстос прызямліўся ў Гародні", "Чорны замак Альшанскі", нарыс "Зямля пад белымі крыламі".
Падзяліцца
1 779
