Выдавецтва "Янушкевіч" дамовілася аб выданні кніг пра Гары Потэра на беларускай мове. Згоду на гэта даў праваўладальнік. Такое паведамленне з'явілася на старонцы выдавецтва ў Фэйсбуку.
Зараз "Гары Потэра" можна чытаць па-беларуску толькі ў інтэрнэце. Восем кніг размешчаны на сайце belpotter.by.
"Гары Потэр " – папулярная серыя раманаў англійскай пісьменніцы Джаан Роўлінг. Галоўны герой кніг – хлопчык-чараўнік Гары Потэр, які супрацьстаіць злому чараўніку Валан-дэ-Морту. Агульны наклад кніг склаў больш за 400 мільёнаў асобнікаў, серыя выйшла на 64 мовах свету.