З'явіцца новы тлумачальны слоўнік беларускай мовы. У ім будзе 15 тамоў

15-томны слоўнік беларускай мовы рыхтуюць навукоўцы Нацыянальнай акадэміі навук. Там будзе 250 тысяч слоў. У новым выданні лексічнае багацце будзе паказана з улікам змен, якія адбыліся ў апошнія дзесяцігоддзі – паведамляе БЕЛТА.

У 2022 годзе выйшаў Тлумачальны слоўнік беларускай літаратурнай мовы ў двух тамах. Аб'ём – каля 65 тысяч слоў. У ім, напрыклад, зафіксаваны тыя словы, якія патрапілі ў беларускую мову ў апошні час.

Таксама навукоўцы даследуюць нашу мову XIX стагоддзя. Працуюць над адмысловым слоўнікам.