Народны каляндар і прыкметы на 28 кастрычніка

28 кастрычніка па народным календары імяніны ў Апанаса, Дзяніса, Змітра, Івана, Лук'яна, Сямёна, Яўхіма. У гэты дзень працягвалі мяць і церабіць лён. А вось шыць і праць нельга было – гэта магло прывесці да няшчасця.

Былі такія прыкметы: калі сёння раптам выпадзе снег, то налета будзе вельмі добры ўраджай зерня; калі котка п'е шмат вады, то надвор'е бліжэйшымі днямі стане горш.