Народны каляндар і прыкметы на 10 кастрычніка

10 кастрычніка па народным календары імяніны ў Акуліна, Арыстарх, Віктар, Герман, Зміцер, Ігнат, Марк, Міхаіл, Пётр, Савацій, Хведар. У вусных календарах – бортнікі. У гэты дзень завяршалася "пчаліная дзевяціна" – восеньскае свята пчалы. Вуллі падрыхтоўвалі да зімоўкі. У некаторых месцах лічылася вялікім грахом працаваць 10 кастрычніка – "усё зробленае на карысць не пойдзе".

Былі такія прыкметы: навальніца 10 кастрычніка – зіма будзе кароткай і бясснежнай; сухое надвор'е ў гэты дзень азначае, што маразы надыдуць не хутка.