Народны каляндар і прыкметы на 27 красавіка

27 красавіка па народным календары імяніны ў Аляксандра, Антона, Валянціны, Івана, Лазара, Мартына, Фамы. Лічылася, што ў гэты дзень у лужынах і ручаях купаюцца вароны разам з варанятамі і пасля гэтага адпускаюць іх у самастойнае жыццё. У гэты дзень былі распаўсюджаны агледзіны і сватаўство – бацькі з лёгкасцю адпускалі дзяцей з сям'і, каб яны стварылі сваю сям'ю і свой дом.

Былі такія прыкметы: пачуць карканне варон у гэты дзень – кепскі знак; цёплы дзень – да багатага ўраджаю.