Народны каляндар і прыкметы на 26 сакавіка

26 сакавіка па народным календары імяніны ў Аляксандра, Рыгора, Хрыстыні, Міхаіла, Нікіфара, Мікалая, Цярэнція. З гэтага дня пачынаецца Міжблагавешчанне (ад 26 сакавіка да 7 красавіка). Нашы продкі лічылі, што ў гэты час трэба быць асцярожным, каб не наклікаць ваўкоў на статак кароў. Таксама лічылі, што ў гэты дзень лепей не хадзіць у лес, а вось рыбалка сёння ўдалая.

У даўнія часы былі такія прыкметы на сёння: калі прыляцелі гусі – будзе ўраджай; жаўрукі – хутка пацяплее; стаіць туман – лета будзе дажджлівым.