Народны каляндар і прыкметы на 10 сакавіка

10 сакавіка па народным календары імяніны ў Аляксандра, Антона, Яўгена, Тараса, Хведара. Тарасій-кумашнік забараняе з гэтага часу спаць днём, інакш нападзе кумоха, гэта значыць ліхаманка. "Хоць па сценцы хадзі, а днём спаць не кладзіся". У нашых продкаў было павер'е аб кумосе – нячыстай сіле, якая па першым вясновым сонейку спрабавала ўхапіць сыты кавалачак ад добрага здароўя чалавека.

Нашы продкі лічылі, што 10 сакавіка павінны прыляцець гракі. Калі так здарыцца, то праз месяц растане ўвесь снег. А яшчэ лічылі: калі хатнія жывёлы чхаюць, значыць, пацяплее.