Народны каляндар і прыкметы на 3 сакавіка

3 сакавіка па народным календары імяніны ў Архіпа, Яўгена, Макара, Ганны, Васіля, Віктара, Кузьмы, Паўла. На Архіпа жанчынам належала цэлы дзень правесці на кухні. Нашы продкі лічылі, што чым больш яны нагатуюць усякай ежы, тым багацей будзе хата. Таксама ў гэты дзень у вёсках пяклі аўсянічкі – піражкі з аўсянай мукі. Так людзі шанавалі птушачку аўсянку – звястунку хуткага цяпла.

Нашы продкі лічылі, што з гэтага дня можна пачынаць рыбалоўны сезон. Была такая прыкмета: калі ўвечары маленькія зоркі бачныя не надта ярка або мігцяць, значыць, быць ветру.