Народны каляндар і прыкметы на 1 сакавіка

1 сакавіка па народным календары імяніны ў Даніла, Іллі, Макара, Нікана, Паўла, Парфірыя, Юліяна. Раней лічылі, што гэта адзін з самых складаных дзён у годзе. Таму трэба было "адкупляцца" ад хвароб і няшчасця. Кепскай прыкметай лічылася падняць нешта з зямлі ў гэты дзень: на дарозе, на могілках, на скрыжаваннях.

Некалі з 1 сакавіка пачынаўся Новы год, і яшчэ ў ХIХ стагоддзі ў некаторых мясцінах захоўваўся звычай не працаваць у гэты дзень.