Народны каляндар і прыкметы на 5 лютага

5 лютага па народным календары імяніны ў Агаты, Клімента, Генадзя, Феакціста, Тодара, Макара, Уладзіміра, Кацярыны, Аўдоцці. У гэты дзень нашы продкі свяцілі ў цэрквах соль і хлеб. Паводле народных вераванняў, хлеб мог бараніць ад пажару, перуна і раптоўных хвароб. Таму казалі так: "Хлеб святой Агаты не пусціць бяды да хаты".

Былі такія прыкметы: шмат снегу ў полі – будзе багаты ўраджай, калі шумяць сініцы – ідуць моцныя маразы, калі вавёрка вылезла з дупла і спусцілася на зямлю – хутка пацяплее.