пят, 3.12.2021
horki.info в Viber horki.info в Instagram horki.info в Одноклассниках horki.info в ВК horki.info вFacebook horki.info в Twitter Новости horki.info по почте

У Мсціслаўскім каталіцкам прыходзе – новы настаяцель

01.11.2019 – 09:48 | 539

Мітрапаліт Мінска-Магілёўскі арцыбіскуп Тадэвуш Кандрусевіч скіраваў на служэнне ў Магілёўскі дэканат ксяндза Міхала Бубена. Ён стаў настаяцелем парафіі Унебаўзяцця Найсвяцейшай Панны Марыі ў Мсціславе – перадае сайт mohylev-katolik.by.

27 кастрычніка вернікі прывіталі свайго новага пробашча. Ва ўрачыстым служэнні ўдзельнічалі біскупскі вікарый для Магілёва і Магілёўскай вобласці біскуп Аляксандр Яшэўскі, адказны за епархіяльныя праекты ксёндз прэлат Андрэй Стэцкевіч, дэкан Магілёўскага дэканату ксёндз Віталій Маргуноў, настаяцель парафіі ў Крычаве ксёндз Павел Адамовіч, які апекаваўся Мсціслаўскай парафіяй у апошні час, і іншыя госці з Магілеўскай, Мінскай і Гродзенскай абласцей.

Пры ўваходзе ў святыню біскуп Яшэўскі акрапіў сабраных вернікаў асвячонаю вадою, пасля чаго прамовіў прывітальнае слова, у якім нагадаў прысутным складаную гісторыю мсціслаўскай парафіі.

Перад пачаткам урачыстай святой Імшы ксёндз Міхал прамовіў вызнанне веры і даў прысягу вернасці. Пасля абрадаў увядзення пробашча распачалася Эўхарыстыя.

Глядзіце па тэме:

► У Горкі з'ехаліся каталікі з розных куткоў Беларусі – фота

Падзяліцца