Уваход
У аграгарадку Сялец Мсціслаўскага раёна з'явілася адразу некалькі лакацый, якія цяпер будуць цешыць мясцовых жыхароў. Гэта парк адпачынку, дзіцячая пляцоўка і арт-аб'ект "Пад крыламі адзінства". Сюжэт пра гэта выйшаў на тэлеканале "Беларусь-4. Магілёў".
Месца для гульняў і развіцця тут вельмі дарэчы, бо ў Сяльцы жыве каля 60 дзяцей. Цяпер хлопчыкі і дзяўчынкі змогуць забаўляцца на арэлях, горках і каруселі.
Грошы на гэта далі мясцовыя сельскагаспадарчыя арганізацыі, а парк адпачынку ў гонар працаўнікоў вёскі дапамагла стварыць Беларуская дзяржаўная сельскагаспадарчая акадэмія.
У сюжэце падкрэсліваецца, што абнаўленні ў Сяльцы сталі магчымымі дзякуючы сумеснай працы мясцовых жыхароў, дэпутатаў і ўлады. Усё гэта – своеасаблівы падарунак да раённых "Дажынак".
Падзяліцца
195
