У музеі Луўра ў Парыжы можна пабачыць малюнкі дзяцей з Магілёва, якія займаюцца ва ўзорнай студыі выяўленчага мастацтва "Шар". У сталіцы Францыі праходзіць міжнародная выстава "Адзін свет – адна будучыня". Пра гэта распавялі ў сюжэце на тэлеканале "Беларусь-4. Магілёў".
У выставе наведнікам прадставілі амаль 1 000 работ дзяцей і моладзі з больш як 30 краін. Частка малюнкаў будзе прададзена, а грошы пойдуць на дабрачыннасць.
Арганізавалі імпрэзу Сусветная харчовая праграма, ААН і Кітайска-еўрапейская элітная біржа.
131
