"Дрыбінскія таржкі-2019": поўная праграма фестывалю

З 15 па 17 жніўня пройдзе дзявяты рэгіянальны фестываль "Дрыбінскія таржкі". Сёлета свята падзялілі на тры дні. 15 і 16 жніўня будуць імпрэзы для дзяцей, падлеткаў і моладзі, 17 жніўня – для больш дарослых гасцей. Вось поўная праграма "таржкоў".

15 жніўня

Месца – каля возера Капелька.

9:00 – 10:00 – "мытня", сустрэча гасцей.

10:00 – 15:00 – работа дзіцячых крамніц, фотазон, аквагрым, майстар-класы.

10:00 – конкурс малюнка на асфальце "Край, у якім я жыву".

11:00 – адкрыццё свята.

11:05 – конкурс вакальнага мастацтва "Маёй Радзіме прысвячаецца..."

12:00 – святочнае дэфіле валяных і саламяных вырабаў.

12:10 – канцэртная праграма.

12:30 – падвядзенне вынікаў конкурсаў, узнагароджанне.

13:00 – 15:00 – фестываль фарбаў #HOLIMIX. У праграме: масавы выкід фарбаў, сучасная дыскатэка з дыджэямі і МС, батлы, конкурсы, розыгрыш прызоў і інш.

16 жніўня

Месца – цэнтральная плошча.

18:00 – 22:00 – работа маладзёжных пляцовак па інтарэсах, фотазон, майстар-класы, спартыўныя спаборніцтвы, квэст-гульні, пляценне кос, нанясенне часовага тату, "парфумерны бар" і шмат іншага.

19:30 – адкрыццё свята.

19:40 – конкурс дыджэяў "Дрыбін-драйв".

20:50 – падвядзенне вынікаў конкурсу дыджэяў, узнагароджанне.

21:00 – 22:00 – канцэрт гурту "Дразды".

22:00 – 23:00 – святочная дыскатэка.

17 жніўня

Месца – цэнтральная плошча.

8:00 – 10:00 – "мытня", сустрэча дэлегацый і ўдзельнікаў фестывалю.

10:00 – 16:00 – работа горада майстроў, таржковых крамніц і падворкаў, літаратурнай гасцёўні. Майстар-класы народных промыслаў і рамёстваў. Конкурс падворкаў, гульнявыя атракцыёны, народныя гульні.

10:30 – выступленне калектываў на малой пляцоўцы.

11:00 – 12:00 – экскурсія па падворках, выстава рэтра-аўтамабіляў 60-70-х гадоў.

12:30 – 16:00 – святочнае шэсце гасцей і ўдзельнікаў фестывалю, урачыстая цырымонія адкрыцця "Віват, таржкі-2019", святочнае дэфіле валяных і саламяных вырабаў, тэатралізаваны канцэрт, падвядзенне вынікаў і ўзнагароджанне ўдзельнікаў фестывалю.

21:00 – канцэрт з удзелам салістаў раённага Цэнтра культуры.

22:00 – 22:50 – канцэрт народнага артыста Беларусі Анатоля Ярмоленкі.

22:50 – вулічнае лазернае шоу.

23:00 – святочны салют.