Фізкульт-прывітанне з мінулага. 70 гадоў таму ў БДСГА з'явілася самая спартыўная кафедра

29 сакавіка 1948 года ў Горацкім сельскагаспадарчым інстытуце была створана кафедра фізвыхавання і спорту. Пачыналася ўсё ў аўдыторыях першага корпуса – там былі спартзалы.

1970, акадэмічны стадыён.

Пазней супрацоўнікі новай кафедры сваімі сіламі абсталявалі ў старым адміністратыўным корпусе некалькі залаў і наладзілі баскетбольную ды валейбольную пляцоўкі каля корпуса №4.

Ужо ў красавіку 48-га ў інстытуце адбыліся стралкова-гімнастычныя спаборніцтвы, а ў маі пабеглі вясновы крос камсамольцы. Дэбютным маштабным змаганнем для студэнтаў нашай ВНУ стала абласное першынство па гімнастыцы ў Магілёве.

Спаборніцтвы ў 1982 годзе.

Пазней з'явіўся стадыён з футбольным полем, бегавыя дарожкі з трыбунамі. У 1960-м скончылі будаўніцтва трохзальнага навучальнага корпуса, а ў 77-м годзе запрацаваў яшчэ адзін – з вялікай гульнявой залай, лёгкаатлетычным манежам, залай цяжкай атлетыкі і 25-мятровым басейнам.

Студэнт экфака Аляксандр Сяргеевіч Ціханенка адкрывае спартакіяду, сярэдзіна 60-х.

З нагоды юбілею мы падрыхтавалі для вас невя-лічкую фота-рэтраспектыву. На фатаграфіях з архіва кафедры – рэдкія здымкі стадыёна і карпусоў, трэнеры і спартсмены мінулых гадоў, перамога горацкіх баскетбалістаў над амерыканскімі ды шмат чаго яшчэ. Дзівіцеся!