Уваход
Сёння раніцай 25 сакавіка горацкія грамадскія актывісты раздалі віншавальныя паштоўкі з нагоды Дня Волі. Гэта ўжо стала традыцыяй для нашага горада.
У гэты дзень у 1918 годзе была абвешчана незалежнасць Беларускай Народнай Рэспублікі. Дарэчы, яе кіраўніком быў Ян Серада, дацэнт Беларускай акадэміі сельскай і лясной гаспадаркі (так называлася наша БДСГА у 20-ыя гады мінулага стагоддзя). Серада выкладаў у Горках ветэрынарыю і зоагігіену з ліпеня 1925 года па снежань 1929 года.
У нашым горадзе ўжо склалася свая традыцыя святкавання гэтай важнай гістарычнай даты. Спачатку актыўныя гараджане раздаюць віншавальныя паштоўкі, а потым ускладаюць кветкі на магілу Войцеха Дамарацкага, студэнта горацкага ВНУ, які загінуў падчас паўстання Кастуся Каліноўскага. Магіла гераічнага студэнта захавалася да нашага часу ў дэндрапарку БДСГА.
Вось як сёлета выглядала віншавальная паштоўка да Дня Волі ў Горках:
Паштоўка 2015 года:
Паштоўка 2014 года:
Андрэй Бароўка
Падзяліцца
76
