На "Рыцарскім фэсце-2024" будзе конкурс сярэднявечных страў і напояў

У Мсціславе пройдзе конкурс сярэднявечных страў і напояў "Багатырская трапеза", які стане часткай "Рыцарскага фэсту-2024", паведамляе mstlife.by.

У конкурсе будзе два этапы: спачатку ўдзельнікі прэзентуюць свае стравы, а потым журы правядзе іх дэгустацыю і назаве пераможцаў.

Стравы і напоі, прадстаўленыя на конкурс, можна будзе пакаштаваць не толькі сябрам журы – запэўніваюць арганізатары.

У конкурсе "Багатырская трапеза" могуць прыняць удзел усе ахвочыя.

Каб далучыцца да кулінарнага спаборніцтва, трэба да 3 жніўня падаць заяўку ў раённы Цэнтр культуры і народнай творчасці. Гэта можна зрабіць і па электроннай пошце: [email protected].

У заяўцы трэба ўказаць назву стравы, інгрэдыенты, спосаб прыгатавання, імя і прозвішча ўдзельніка (або назву арганізацыі).