Колькі гасцей прыехалі па "бязвізе" ў Беларусь?

У Беларусь з пачатку года прыехалі без візаў амаль 127 тысяч жыхароў Еўрапейскага саюза, інфармуе Дзяржпагранкамітэт.

З моманту ўвядзення пашыранага "бязвізу" Беларусь наведалі 7 219 жыхароў Еўропы.

Акрамя грамадзян Польшчы, Літвы, Латвіі (і не грамадзян Латвіі), у нашу краіну ў бязвізавым парадку прыбылі 455 гасцей з еўрапейскіх краін – гэта 6% ад агульнага патоку. Большасць з іх прыехалі з Германіі і Эстоніі – 181 і 111 адпаведна.

З 1 студзеня 2024 года бязвізавым уездам у Беларусь скарысталіся 126 763 жыхароў Еўрасаюза.