Уваход
Да 125-годдзя з дня нараджэння амерыканскага пісьменніка Эрнэста Хемінгуэя бібліятэка БДСГА падрыхтавала віртуальную выставу "Сімвал эпохі ‒ Эрнэст Хемінгуэй".
Усе творы гэтага пісьменніка і ўсё яго аблічча на рэдкасць прыцягальныя. Ён пабываў на пяці войнах, быў азартным паляўнічым, рыбаком, спартоўцам, славіўся аўтарытэтным знаўцам карыды.
У жыцці быў славалюбны, першынстваваў не толькі ў справах літаратурных, але і жыццёвых. Праблемы, якія закранае пісьменнік, знаёмыя і сучаснаму чалавеку.
На кніжнай выставе прадстаўлены творы Эрнэста Хемінгуэя на беларуска, рускай і нямецкай мовах.
Віртуальную выставу "Сімвал эпохі ‒ Эрнэст Хемінгуэй" можна паглядзець тут.
Эрнэст Хемінгуэй – Лаўрэат Нобелеўскай прэміі ў галіне літаратуры 1954 года. Аўтар шматлікіх апавяданняў і рэпартажаў. Майстар дыялогу і ўнутранага маналогу. Яго творы, адметныя драматызмам, экспрэсіўнасцю, сугестыўнасцю аповеду з глыбокім падтэкстам, насычаны біблейскімі матывамі і вобразамі-сімваламі. Яго стрыманы рэалістычны стыль моцна паўплываў на літаратуру XX стагоддзя. Найбольшую колькасць сваіх твораў ён напісаў з сярэдзіны 1920-х да сярэдзіны 1950-х гадоў.
Найбольш вядомыя ягоныя творы: "І ўзыходзіць сонца", "Бывай, зброя!", "Па кім звоніць звон", "За ракой у цені дрэў", "Астравы ў акіяне", "Стары і мора".
Па ўсіх вялікіх творах Хемінгуэя былі знятыя фільмы. Адной з найлепшых экранізацый твораў Хемінгуэя, на думку многіх крытыкаў, стаў фільм "Мець і не мець" 1944 года з Хамфры Богартам і Ларэн Бэкол у галоўных ролях.
На беларускую мову творы Xемінгуэя пераклалі Аляксей Арцёмаў, Алесь Асташонак, Анатоль Бутэвіч (Максім Валошка), Віталь Воранаў, Віктар Гардзей, Юрка Гаўрук, Алесь Квіткевіч, Павел Марціновіч, Яўген Міклашэўскі і Вадзім Небышынец.
Падзяліцца
2 721
