У БДСГА прайшоў студэнцкі квіз. Зрабіць мерапрыемства займальным дапамагла інтэрактыўная платформа Kahoot

23 кастрычніка ў бізнес-інкубатары StartUp БДСГА адбыўся квіз "Мая акадэмія", прысвечаны 185-годдзю нашага ВНУ. На імпрэзе карысталіся інтэрактыўнай платформай Kahoot.

У квізе ўдзельнічалі каманды са студэнцкіх інтэрнатаў. Гульня складалася з трох раўндаў "Назад у мінулае", "Ці дакладна…", а таксама "Архітэктура акадэміі". Студэнты рабілі экскурс не толькі ў сучаснасць, але і ў далёкую гісторыю, і гэта было моладзі сапраўды цікава.

Падчас гульні ўдзельнікі азартна змагаліся паміж сабой, усе хацелі стаць пераможцамі.

Па выніках трох раўндаў першае месца заняла каманда інтэрната №14, другое – інтэрната №4, а трэцяе – інтэрната №12.

Усе ўдзельнікі былі адзначаны салодкімі прызамі.