Уваход
Мінскі гадзіннікавы завод "Луч" паказаў гадзіннікі з новай калекцыі "Мова-2024". Лімітаваная калекцыя прысвечана складам "жы" і "шы".
Унісэкс мадэлі [жы] і [шы] маюць дыяметры 31,4 мм і 37,6 мм адпаведна. Цыферблат выкананы з мельхіёру з матавым пакрыццём. На заднім вечку гадзінніка размешчаны стылізаваны ўзор беларускай вышыўкі. Нумарацыя гадзін выканана пропіссю, падтрымліваючы тэматыку "мовы".
У гадзінніках усталяваны славуты механізм Луч 1801.1Н-механіка. Цыферблат абараняе трывалае сапфіравае шкло. Корпус выкананы з нержавеючай сталі, папружка – з натуральнай скуры.
У калекцыі – 100 гадзіннікаў кожнай мадэлі.
Калекцыя гадзіннікаў "Мова-2024" – гэта адлюстраванне мовы, культуры і гісторыі, адзначаецца на афіцыйнай старонцы завода.
Падзяліцца
380
