Уваход
Праўленне Нацыянальнага банка вырашыла выпусціць новы банкнот наміналам 100 рублёў. У абарачэнне ён будзе ўжо з 1 ліпеня.
Дызайн новай купюры канцэптуальна падобны да дызайну старублёвага банкнота, які знаходзіцца ў абарачэнні, і захоўвае пераемнасць адзінага стылю змяненняў банкнотаў узору 2009 года.
Але ёсць змены:
- выдалены рэквізіт "Старшыня Праўлення" і факсіміле подпісу Старшыні Праўлення Нацыянальнага банка Пракаповіча П.П.;
- год узору банкнота "2009" заменены на год выпуску банкнота ў абарачэнне "2022";
- выява архітэктурнага збудавання на пярэднім баку (замак Радзівілаў, горад Нясвіж) прыведзена ў адпаведнасць з яго актуальным знешнім выглядам;
- указана назва архітэктурнага збудавання – "Замак Радзівілаў, г. Нясвіж".
Ахоўны комплекс новага банкнота распрацаваны на аснове ахоўнага комплексу старублёвага банкнота, які знаходзіцца ў абарачэнні, з уключэннем у яго новых ахоўных элементаў, заменай асобных ахоўных элементаў іх палепшанымі мадыфікацыямі, а таксама выключэннем асобных ахоўных элементаў як састарэлых. Абноўлены ахоўны комплекс забяспечыць надзейную абарону банкнотаў ад падробкі пры адначасовай магчымасці больш лёгкай, хуткай і беспамылковай праверкі іх сапраўднасці грамадзянамі.
Банкноты наміналам 100 рублёў узору 2009 года, якія знаходзяцца ў абарачэнні, застаюцца законным плацежным сродкам Рэспублікі Беларусь.
Падзяліцца
191
