Андрэй Юркоў ушанаваў памяць Рамана Бандарэнкі і ўсклаў кветкі да памятнага знака загунілым студэнтам у Горках. Раман Бандарэнка – 31-гадовы хлопец, які выйшаў вечарам 11 лістапада ў свой двор у Мінску, дзе невядомыя ў масках пачалі там здымаць бел-чырвона-белыя стужкі з агароджы.
Відавочцы кажуць, што Рамана з сілай адштурхнулі, ён ударыўся галавой, а потым хлопцы звезлі на мікраўтобусе. Праз паўтары гадзіны збітага даставілі ў бальніцу з ацёкам галаўнога мозгу. Была аперацыя, малады чалавек быў у крытычным стане да вечара чацвярга.
У відэа Андрэй Юркоў сказаў наступнае: "Сёння ўся Беларусь а 12 гадзіне ўшаноўвае памяць Рамана Бандарэнка, які быў забіты. Хто наступны? Я? Хто-небудзь з нас яшчэ? Як можна дапусціць такое? Сімвалічна, што мы памінаем яго на фоне помніка Бруцэру і Ерафееву, бо гэтыя людзі таксама не пабаяліся аддаць жыццё за свабоду, за правы. Жыве Беларусь!"