пят, 29.03.2024
horki.info в Viber horki.info в Instagram horki.info в Одноклассниках horki.info в ВК horki.info в Facebook horki.info в TikTok horki.info в YouTube Новости horki.info по почте

У акадэмічнай бібліятэцы прэзентавалі новую кнігу Уладзіміра Ліўшыца. Аўтар нечакана з'явіўся з Ізраіля

12.10.2020 – 13:13 | 594

9 кастрычніка ў бібліятэцы імя Д.Р.Новікава Беларускай дзяржаўнай сельскагаспадарчай акадэміі адбылася прэзентацыя чарговай кнігі вядомага гісторыка і краязнаўцы Уладзіміра Ліўшыца "Літаратурныя раскопкі акадэмічнага "Парнаса". Кніга прымеркавана да 180-годдзя акадэміі і выдадзена за кошт сродкаў навучальнай установы.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

У 55 нарысах (трэба заўважыць, што 29 з іх не друкаваліся раней) чатырох раздзелаў аўтар змясціў матэрыялы пра тых пісьменнікаў і паэтаў, хто ў акадэміі вучыўся, вучыўся і працаваў, працаваў. Чацвёрты раздзел кнігі "Пісьменнікі – госці акадэміі" расказвае пра тых беларускіх літаратараў, што наведвалі нашу ўстанову адукацыі ў розныя гады.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

На прэзентацыю былі запрошаны ўсе, хто так ці іначай меў дачыненне да выхаду гэтай кнігі: рэдактар рукапісу, кандыдыт філалагічных навук, дацэнт кафедры лінгвістычных дысцыплін Таццяна Скікевіч; аўтары афармлення вокладкі Кацярына Міхальчанка і Алег Якімовіч; дырэктар раённага гістарычна-этнаграфічнага музея Святлана Макеева.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Гасцямі прэзентацыі былі і героі розных раздзелаў кнігі, пра каго пісаў Уладзімір Маісеевіч у сваіх нарысах. Яны даўно і трывала сябруюць з пяром і вядомы ў Горках і акадэміі, як аўтары зборнікаў паэзіі, прозы, публіцыстыкі. Гэта Ларыса Грушына, Леанід Каліненка, Ганна Аронава, Андрэй Пугач, Святлана Бакчэева-Варухіна, Ганна Малько. Прысутнічалі на імпрэзе і патэнцыйныя чытачы новага выдання – студэнты эканамічнага факультэта акадэміі.

У сваіх выступах прысутныя адзначалі вялізную працу, якую зрабіў краязнаўца, яго нястомны пошук на працягу многіх гадоў, чыталі свае творы. Ніна Глёкава, удзельніца клуба "Дэбют", выканала  вершы пра радзіму Змітрака Марозава і Лідзіі Андрэевай.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

 Сюрпрызам на імпрэзе прагучала відэапрывітанне з далёкага Ізраіля і ўдзячнасць ад самога аўтара кнігі ў адрас рэктарата акадэміі і ўсіх, дзякуючы каму кніга ўбачыла свет. У сваім звароце Уладзімір Маісеевіч адзначыў таксама, што матэрыялаў пра пісьменнікаў і паэтаў, звязаных з акадэміяй, настолькі багата, што будзе слушна абмеркаваць магчымасць стварэння ў акадэміі літаратурнага музея.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

У завяршэнне літаратурнай сустрэчы загадчык бібліятэкі акадэміі Галіна Мядзведзева ўручыла гасцям кнігу з нарысамі аб іх біяграфіях і творчасці.

Змест "Літаратурных раскопак акадэмічнага "Парнас" дае нам магчымасць яшчэ раз упэўніцца, што літаратурныя традыцыі заўсёды існавалі ў акадэміі, жывуць і развіваюцца яны і сёння. Літаратурная творчасць аўтараў, якія так ці іначай былі звязаны з акадэміяй, гэта яшчэ адзін штрых у шматгадовы партрэт нашай навучальнай установы разам з яе дасягненнямі ў аграрнай навуцы і вышэйшай адукацыі.

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Ліўшыц Горацкі Парнас

Марыя Студнёва, бібліятэка ім. Д. Р. Новікава УА БДСГА

Фота: Аляксандр Храмко

Падзяліцца

Viber Аднакласнікі УКантакце Facebook Email