Тадэвуш Кандрусевіч прыедзе ў суботу ў Горкі на парафіяльнае свята мясцовых каталікоў

На ўрачыстасць Горацкай каталіцкай парафіі ў гэтую суботу прыедзе Мітрапаліт Мінска-Магілёўскі арцыбіскуп Тадэвуш Кандрусевіч.

Дарагія браты і сёстры ў Хрысце!

З радасцю запрашаем вас на святкаванне прастольнага свята рыма-каталіцкай парафіі Маці Божай Бялыніцкай горада Горкі, якое адбудзецца ў суботу 17 верасня. 

Асаблівым чынам у гэты дзень будзем дзякаваць добраму Богу за дзесяць гадоў адраджэння каталіцкай супольнасці на Горацкай зямлі.

Урачыстасць узначаліць Мітрапаліт Мінска-Магілёўскі арцыбіскуп Тадэвуш Кандрусевіч.

У праграме:

• урачыстая святая Імша,
• супольны пачастунак,
• выступ хрысціянскага гурту Laudans,
• віктарына “Што? Дзе? Калі?" на тэму гісторыі Горацкай парафіі, а таксама Касцёла на Магілёўшчыне.

Дата: 17 верасня, пачатак а 12:00

Месца: г. Горкі, завулак Валадарскага 8, 10.

З дарам малітвы, кс. Андрэй Кеўліч, настаяцель парафіі