пан, 29.11.2021
horki.info в Viber horki.info в Instagram horki.info в Одноклассниках horki.info в ВК horki.info вFacebook horki.info в Twitter Новости horki.info по почте

У Мазалава працягваюць аднаўляць царкву, якая перажыла савецкую ўладу

19.10.2016 – 13:23 | 849

Да канца гэтага года ў праваслаўнай царкве Ушэсця (па-руску: Вознесения) у вёсцы Мазалава пакрыюць вялікі купал нітрыд тытанам, які імітуе колер золата, а таксама даробяць дах. Плануецца, што яшчэ паспеюць завяршыць вонкавыя работы. Грошы на ўсё гэта збіраюць праз мясцовы дабрачынны Фонд аднаўлення архітэктуры.

Сёлета ля храма з'явілася стаянка для аўто. Справа ў тым, што многія паломнікі прыязджаюць сюды з розных гарадоў і нават краін па ваду, якая б'е з крыніц побач. Над адной з іх узведзена драўляная купель.

Вёска Мазалава знаходзіцца ў Мсціслаўскім раёне прыблізна пасярэдзіне паміж райцэнтрам і Ходасамі. Даехаць туды можна на машыне па трасе Р-73 (10 км на паўднёвы-захад ад Мсціслава). У другой палове XIV ст. тут быў заснаваны Мазалаўскі манастыр. Яго знішчылі камуністы пасля рэвалюцыі. Усё, што засталося ад былой святыні, гэта летняя царква.

Ягор Клішэвіч, відэа: tv.tvrmogilev.by

Падзяліцца