пят, 18.09.2020
USD2.58|EUR3.04|RUB3.43
horki.info в Viber horki.info в Instagram horki.info в Одноклассниках horki.info в ВК horki.info в ВК Facebook horki.info в Twitter Новости horki.info по почте

У Дрыбінскім раёне валанцёры ўпарадкавалі яўрэйскія могілкі

31.08.2016 – 18:00 | 752

У Дрыбіне актывісты з Магілёва разам з дрыбінскімі валанцёрамі прыводзілі ў парадак пахаванні на мясцовым яўрэйскім могільніку, каб аднавіць звесткі пра тых, хто тут ляжыць.

Удзельнікі адкапвалі зарослыя магілы, чысцілі, каб можна было зрабіць іх здымкі і нанесці нумарацыю. Пазней надпісы на камянях расшыфруюць і перакладуць, а ўсе дадзеныя выкладуць у інтэрнэт, каб нашчадкі змаглі знайсці інфармацыю пра памерлых сваякоў (імёны, гады жыцця ды іншае).

За чатыры гадзіны працы валанцёрам удалося ўпарадкаваць каля 75 помнікаў, на самой жа справе іх там разы ў чатыры-пяць болей. Многія магілы бясследна зніклі ў зямлі. Дагэтуль жа падобную добрую справу ўдалося зрабіць у Расна.

Дар'я Юркова, фота аўтаркі