20 відаў птушак за гадзіну – у батанічным садзе БДСГА адбылася арніталагічная экскурсія

Першая арніталагічная экскурсія ў Горках сабрала 11 удзельнікаў. Яны змаглі паназіраць за гнездавымі паводзінамі птушак у батанічным садзе акадэміі і паслухаць іх спевы.

– Зараз у разгары гнездавы сезон, так што нам пашчасціла паназіраць за гнездавымі паводзінамі дразда-піскуна і пярэстай валасяніцы. Усяго мы пабачылі і пачулі 20 відаў птушак за гадзіну, – паведаміла арнітолаг Настасся Кузьмянкова, якая арганізавала гэтую імпрэзу.

– Самай дасведчанай ў тэме сустрэчы аказалася Наталля Яўгенаўна Сцефаненка, вядучы аграном батанічнага сада. – дадала Настасся.

Тэкст: Андрэй Бароўка. Фота: Міхаіл Ішчук