Лясы ў Горацкім, Дрыбінскім і Мсціслаўскім раёнах застаюцца на замку

У Магілёўскай вобласці знялі забарону на наведванне лясоў ужо ў дзесяці раёнах. Гэта не тычыцца Горацкага, Дрыбінскага і Мсціслаўскага.

Пажаранебяспека з трэцяга класа да другога знізілася ў Бабруйскім, Чэрыкаўскім, Кіраўскім, Клічаўскім, Магілёўскім, Шклоўскім, Бялыніцкім, Быхаўскім, Глускім і Асіповіцкім раёнах. Гэтаму дапамаглі нядаўнія дажджы.

Цяпер на пералічаных тэрыторыях – раздолле для грыбнікоў і аматараў ягад.

А вось у нашым рэгіёне ў лес пакуль хадзіць не дазваляецца: ападкаў было недастаткова, сітуацыя застаецца небяспечнай.

Ягор Клішэвіч