Медсястру з Дрыбінскага раёна ўзнагародзяць ордэнам Маці

Чарговы ордэн Маці накіруецца бліжэйшым часам у Дрыбінскі раён. Узнагародзяць Алесю Уладзіміраўну Языкову, медыцынскую сястру агульнай практыкі Пудаўнянскай амбулаторыі ўрача агульнай практыкі ўстановы аховы здароўя "Дрыбінская цэнтральная раённая бальніца".

Ордэн Маці на гэты раз атрымае 51 жанчына з Брэсцкай, Гродзенскай і Магілёўскай абласцей. Адпаведны ўказ быў падпісаны 13 снежня.

За нараджэнне і выхаванне пяці і больш дзяцей узнагароды ўдастоены работніцы розных сфер дзейнасці. У іх ліку прадстаўніцы прамысловых і аграпрамысловых прадпрыемстваў, арганізацый будаўнічай галіны, сацыяльнай сферы, гандлю і сувязі, устаноў адукацыі, аховы здароўя, Узброеных Сіл, рэлігійных арганізацый, а таксама хатнія гаспадыні.