Школьнікі ў Разанцах робяць смачны перакус з садавіны і гародніны. Гэта ідэя перамагла на конкурсе прадпрымальніцкіх ініцыятыў

Вучні з Разанцаў Мсціслаўскага раёна перамаглі ў конкурсе школьных прадпрымальніцкіх ініцыятыў, які праводзіла грамадская арганізацыя "Беларускі зялёны крыж". Для рэалізацыі сваёй ідэя атрымалі дэгідратар – апарат для сушкі прадуктаў. Сюжэт пра гэта выйшаў на тэлеканале "Беларусь-4. Магілёў".

З дапамогай гэтай прылады цяпер школьнікі гатуюць фрыпсы з садавіны і гародніны. Гэты перакус карысны і вельмі апетытна хрусціць.

Дэгідратарам можна сушыць, напрыклад, яблыкі, моркву, буракі, зеляніну, цытрусавыя. Атрымліваецца натуральны прадукт без шкодных дадаткаў.