Народны каляндар і прыкметы на 30 жніўня

30 жніўня па народным календары імяніны ў Аляксея, Змітра, Іллі, Мірона, Паўла, Ульяны, Піліпа. Нашы продкі называлі гэты дзень Удовіны дапамогі. Раней было правілам 30 жніўня пайсці на ўдовін двор і спытаць, ці не трэба чым дапамагчы. Не забываліся і на хаты, дзе гаспадара зусім не было. Акрамя таго, гаспадыні ў гэты дзень падкормлівалі глебу, а таксама стараліся выразаць парасткі маліны, якія сёлета ўжо прынеслі свае плады.

Былі такія прыкметы: калі з раніцы росна і туман, то надвор'е будзе добрым; калі сёння добрае надвор'е, то вясна будзе ранняй.