Народны каляндар і прыкметы на 17 ліпеня

17 ліпеня па народным календары імяніны ў Аляксандра, Аляксея, Настассі, Андрэя, Багдана, Георгія, Змітра, Аўхіма, Марыі, Марка, Марфы, Міхала, Мікалая, Вольгі, Савы, Таццяны, Хведара, Хвядота. Завяршаўся працэс выспявання жыта. "На Андрэя азімыя наліліся, а татка-авёс да паловы дарос".

Нашы продкі прыкмецілі: якое надвор'е 17 ліпеня, такое будзе і 11 жніўня. У гэты дзень, як правіла, ішоў дождж. Была яшчэ адна прыкмета: калі да сёння выспела шмат ягад – будзе суровая зіма.